मंगलाका २०६२ सालका विद्यार्थीहरूद्वारा सरस्वतीको मन्दिर हस्तान्तरण

 मंगलाका २०६२ सालका विद्यार्थीहरूद्वारा सरस्वतीको मन्दिर हस्तान्तरण

मंगला माविका २०६२ सालमा एसएलसी व्याचका विद्यार्थीहरूले आफूले अध्ययन गरेको विद्यालयमा करिब ८ लाखको लागतमा सरस्वतीको मन्दिर निर्माण गरी विद्यालयलाई हस्तान्तरण गरेका छन् । २०७६ माघमा विद्यालय भूपू प्र.अ. श्री दीर्घबहादुर खड्काले शिलान्यास गर्नुभएको मन्दिर २०७७ माघमा सम्पन्न भएको थियो । मन्दिर हस्तान्तरण तथा ग्रहण कार्यक्रम विद्यालय व्यवस्थापन समितिका

अध्यक्ष नारायण बहादुर अधिकारीको अध्यक्षता र विद्यालयका  भूपू  प्र अ दीर्घबहादुर खड्काको प्रमुख आतिथ्यमा सम्पन्न भएको थियो । कार्यक्रममा विद्यालयका प्र.अ. गमबहादुर खत्री र मंगला २ वडा अध्यक्ष धनबहादुर खातीले  उदाहरणीय कार्य गरेको भन्दै उक्त ब्याचका विद्यार्थीहरुलाई सकारात्मक र प्रेरणादायी कार्यका लागि हार्दिक बधाई  तथा धन्यवाद दिनुभएको थियो। 

उक्त ब्याचका विद्यार्थीहरु मतीलाल पौडेल रुचेन्द्र अधिकारी, राजु खड्का, प्रेमलाल सापकोटा, शोभा खाती  र कर्ण बहादुर पुनको अगुवाईमा उक्त ब्याचका ५४ जना विद्यार्थी उक्त मन्दिर निर्माणमा जुटेका हुन् । उक्त अवसरमा मन्तव्य राख्दै ब्याजका विद्यार्थीहरु मतीलाल पौडेल र रुचेन्द्र अधिकारीले यस विद्यालयको विकासका लागि पूर्व विद्यार्थीहरूको भूमिका महत्वपूर्ण हुने र भविष्यमा पनि आफ्नो सहयोग रहने बताएका थिए साथै अन्य पूर्व विद्यार्थीहरु पनि विद्यालयको समग्र विकासमा योगदान दिन प्रेरित हुनुपर्ने बताएका थिए।कार्यक्रम विद्यालयका शिक्षक हुमनाथ पाण्डेको सञ्चालन र सहायक प्र अ सुनिल सापकोटाले स्वागत मन्तव्य राख्नुभएको थियो भने उक्त कार्यक्रममा उपस्थित पूर्व विद्यार्थीहरुलाई दोसल्ला ओढाइ सम्मान गरिएको थियो।