कक्षा १२ को २०७८ सालको परीक्षा तालिका

राष्ट्रिय परीक्षा बोर्ड, परीक्षा नियन्त्रण कार्यालय, सानोठिमी, भक्तपुरद्वारा २०७८ साल जेठ २६ गतेदेखि सञ्चालन हुने गरी तय भएको कक्षा १२ को साधारण तथा प्राविधिक विषय समूह तर्फका नियमित, ग्रेडवृद्धि एवं आंशिक परीक्षार्थीहरूको वार्षिक परीक्षा कोभिड–१९ को विश्वव्यापी महामारीको दोस्रो लहरका कारण स्थगित गरिएकोमा नेपाल सरकारले तोकेको स्वास्थ्य सुरक्षा सम्बन्धी मापदण्ड र सामाजिक दुरीको पालना गरी सम्बन्धित विद्यालयमै परीक्षा केन्द्र तोक्ने गरी देहाय अनुसार परीक्षा कार्यक्रम सञ्चालन गरिने हुँदा सम्बन्धित सबैको जानकारीका लागि यो सूचना प्रकाशित गरेको छ ।